2026 оны эхний улиралд Монгол Улсын төлбөрийн тэнцэл 95.5 сая ам.долларын ашигтай гарсан бөгөөд урсгал дансны ашиг 412.5 сая ам.долларт хүрч өмнөх оноос огцом сайжирчээ.
Энэхүү өсөлт нь худалдааны ашиг 2.1 тэрбум ам.доллароор буюу 9.3 дахин нэмэгдсэнтэй шууд холбоотой. Гэвч гадаадын шууд хөрөнгө оруулагчдын ашгийн шилжүүлэг 51.4 дахин өссөний улмаас анхдагч орлогын данс 1.1 тэрбум ам.долларын алдагдалтай гарсан нь макро түвшинд анхаарал татах үзүүлэлт юм.
Түүнчлэн, аялал болон бусад үйлчилгээний зардал нэмэгдсэнээр үйлчилгээний дансны алдагдал 26.7 хувиар тэлж, 1.0 тэрбум ам.долларт хүрчээ.
Санхүүгийн дансны хувьд шууд хөрөнгө оруулалт 2.4 дахин нэмэгдсэн ч бусад хөрөнгө оруулалтын гадагшлах урсгал огцом өссөнөөр нийт 85.8 сая ам.долларын алдагдалтай гарсан байна.
Сэтгэгдэл